कारकेमिश :सिरियामधील आलेप्पोच्या आग्नेयीस असलेले आणि युफ्रेटीसच्या पश्चिम तीरावरील नष्टप्राय स्थल. इ.स.पू. दुसऱ्या सहस्त्रकात ही मिटानी संस्कृतीची राजधानी होती. ती पुढे हिटाइट व ईजिप्शियनांकडून ॲसिरियाकडे आली. इ.स.पू.सु. ६०५ मध्ये बॅबिलोनियाचा राजा दुसरा नेब्युकॅडनेझर याने ईजिप्शियनांचा येथे मोठा पराभव करुन आशियातील त्यांची सत्ता संपुष्टात आणली. कारकेमिशच्या परिसरातील उत्खननात हायरोग्लिफिक,हिटाइट लिपींतील कित्येक अवशेष मिळाले आहेत.
