मुर्वारा : (कटनी). भारतातील मध्य प्रदेश राज्याच्या जबलपूर जिल्ह्यातील याच नावाच्या तालुक्याचे प्रमुख ठिकाण. लोकसंख्या ७७,८६२ महानगरीय १,२३,०१७ (१९८१). हे जबलपूरच्या ईशान्येस ८८ दक्षिण कटनी नदीच्या तीराजवळ वसले असल्याने ते कटनी या नावानेही ओळखले जाते. भातसडीच्या व पिठाच्या गिरण्या, मुलतानी माती प्रक्रिया, लष्करी साहित्य, सिमेंट, साबण, वीट उत्पादन, रंग, मातीची भांडी, धातूची भांडी, पादत्राणे इ. अनेक उद्योगधंदे येथे चालतात. सांप्रतच्या शहरातील कटनी व मुर्वारा या दोन्ही भागांत सध्या उद्योगधंद्यांत व व्यापारात वेगाने वाढ होत आहे.
