फैजाबाद – २ : अफगाणिस्तानातील बदक्शान प्रांताची राजधानी लोकसंख्या ७७,००० ( १९७५ ) . हे काबूलच्या ईशान्येस ३१४ कि . मी . कोकचा नदीकाठी , समुद्रसपाटीपासून १,२०० मी . उंचीवर वसले आहे . ईशान्य भागातील महत्त्वाचे व्यापारी आणि प्रशासकीय केंद्र म्हणून हे प्रसिद्ध आहे . अफगाणिस्तानातीलच कुंडुझ शहराच्या मोराद बेग याने १८२१ मध्ये फैजाबाद उद् ध्वस्त केले . पुढे अफगाणिस्तानचा अमीर अब्दुर रहमान खान ( १८८० – १९०१ ) याने बद क्शा न प्रांत जिंकला . त्यानंतर या शहरास पुन्हा महत्त्व प्राप्त झाले . १९५५ सालच्या भूकंपामुळे फैजाबाद उद् ध्व स्‍त झाले . १९७० पासून शहराचे आधुनिकीकरण करण्यास प्रारंभ झाला आहे . हिवाळ्यात अधूनमधून बर्फवृष्टीमुळे फैजाबादचा इतर भागांशी संबंध तुटतो , तर उन्हाळ्यात येथील हवामान आल्हाददायक असते . याच्या आसमंतात तांदूळ , गहू , तेलबिया , कापूस ही पिके होत असून शहरात भातगिरण्या आहेत . फैजाबादला लष्करी ठाणे म्हणून महत्त्व प्राप्त झाले आहे .
उपाध्ये , मु . कृ .
आपल्या मित्रपरिवारात शेअर करा..
